Նիսսանը ներկայացնում է նոր SENTRA մոդելը Հայաստանում

Նիսսանի պաշտոնական ներկայացուցիչ` “Մուրան” ընկերությունը պաշտոնապես ներկայացրեց նոր C դասի SENTRA սեդանը: Վաղուց սպասված այս ավտոմեքենան կոչված է փոխարինել արդեն իսկ սիրված սեդան թափքով Tiida մոդելը՝ առաջարկելով ներկայումս կիրառվող բոլոր առաջադեմ տեխնոլոգիաները:

Դինամիկ ու յուրահատուկ այս մոդելն անտարբեր չի կարող թողնել բարձր ընթացային որակների ու առանց փոխզիջումների հարմարավետության սիրահարներին: Բավական է նշել, որ Nissan Sentra-ի սրահը ամենամեծն է այս դասի մեքենաների համար:  Այս մոդելն էլ Նիսսանի մնացած ավտոմեքենաների նման առաջարկվում է մի քանի կոմպլեկտավորումներով, որոնք թույլ են տալիս ընտրություն կատարել` հիմնվելով սեփական նախընտրությունների և ապրելակերպի վրա:

Նոր Nissan Sentra-ն ներկայացված է 1.6 լ և 1.8 լ. ծավալով, համպատասխանաբար 113 ձ/ու և 130ձ/ու հզորությամբ շարժիչներով, որոնք համակցվում են թե մեխանիկական, թե Xtronic CVT 6-աստիճան փոխանցման տուփով: Անվտանգության բազում համակարգերը (SRS, ABS, EBD, BA, VDC), օպցիոնալ առաջարկվող կլիմատ կոնտրոլը, կրուիզ կոնտրոլը, կաշեպատ սրահը, և այլ օգտակար ֆունկցիաներն այս ավտոմեքենայով ուղևորությունը դարձնում են առավել հարմարավետ ոչ միայն քաղաքային փողոցներում, այլև մայրուղիների վրա:  

Ինչպես Auto.am-ին հայտնեցին ավտոսրահից, բոլոր ցանկացողները կարող են նաև փորձարկել մեքենան և պատվիրել իրենց նախընտրած կոմպլեկտավորումները:

Nissan Sentra-ն ներկայացված է Կոմիտաս 47 հասցեում գտնվող Նիսսան-Ռենո ավտոսրահում: Մանրամասների համար կարելի է զանգահարել 23–11-18 հեռախոսահամարով:

Facebook Odnoklassniki

13410 դիտում