Սույն թվականին Renault Captur-ը առաջին անգամ կներկայացվի հանրությանը Մոսկվայի միջազգային ավտոսրահում: Captur կոնցեպտ-ավտոմեքենան Renault-ի գլխավոր դիզայներ Լոուրենս վան դեն Ակերի դիզայնի մտահղացման երկրորդ մեքենան է: Այս մեքենան նոր խոսք է Renault-ի դիզայնում, որը հիմք կծառայի ապագա լիաքարշակ ավտոմեքենաների համար:
Renault-ի դիզայնի նոր շրջանը
Renault ապրանքանիշի ժամանակակից դիզայնի հիմքում մարդու պահանջմունքներն են: Դիզայնի հիմնական գաղափարը կարելի է նկարագրել երեք բառով՝ պարզություն, զգայականություն և ջերմություն: Այդ ռազմավարությունը ներկայացված է վեց կոնցեպտ-մեքենաներում, որոնք արտացոլում են մարդու կյանքի փուլերը և հիմք են դառնալու Renault-ի հետագա մոդելների համար: Առաջինը DeZir կոնցեպտ-մեքենաների շարքն է, որի գաղափարը սերն է: Նոր Captur-ը բացում է շրջագայությունների զարմանահրաշ աշխարհը: R-Space երրորդ կոնցեպտը մարմնավորում է ընտանեկան արժեքները: Frendzy-ն ներկայացնում է աշխատանքի աշխարհը: Հետևելով կյանքի շրջափուլին՝ վերջին երկու կոնցեպտները կմարմնավորեն «խաղի» և «իմաստության» թեմաները:
Captur-ի արտաքինը՝ դինամիկա եւ թեթեվություն
Renault Captur-ը սպորտային քրոսովեր է: Իդեալական է երիտասարդ զույգերի համար, ովքեր ճանապարհվում են աշխարհը միասին բացահայտելու:
Renault Captur-ի համամասնություններն ու սահուն գծերը շարժման և թեթևության տպավորություն են թողնում՝ դրա հետ մեկտեղ ցուցադրելով ամենագնացի հզորությունն ու մեծ հնարավորությունները: Ինչպես Renault-ի մյուս կոնցեպտ-մեքենաների դիզայնում, այնպես էլ Renault Captur-ի բոլոր անկյունները, կորությունները և գծերը մեքենային նուրբ ու բնական տեսք են հաղորդում:
Captur-ը ոչ միայն խորը զգացմունքներ առաջացնող այլև շատ պրակտիկ և բազմաֆունկցիոնալ ավտոմեքենա է: Տանիքը շարժական է. սահելիս բացվում է կարբոնային շրջանակը: Այսպիսով, Captur-ը կարող է փոխակերպվել խցիկային մեքենայից կաբրիոլետի, քաղաքային ավտոմեքենայից՝ ամենագնացի: Ընդհանուր սպորտային դիզայնն ընդգծում են դեպի վեր բացվող դռները և 22 դյույմանոց սև ու սպիտակ սկավառակներով մեծ անիվները: Captur-ի թափքը արտասովոր նարնջագույն երանգ ունի: Այդ գույնը կրկնվում է մեքենայի ինչպես դրսի, այնպես էլ ներսի հարդարանքի տարբեր նյութերում:
Ներքին հարդարանքի ջերմությունն ու թեթեվությունը
Նարնջագույնի թեման շարունակվում է նաև մեքենայի սրահում, որտեղ կա լյումինեսցենտ լուսավորություն` ընդգծված մշտական լուսային հոսքով: Renault Captur-ի ներքին հարդարանքը ուղևորների մոտ ջերմության և հարմարավետության զգացողություն է առաջացնում: Արտաքին դիզայնի նույնպիսի թեթևությունը սրահում ևս կարևոր դեր է խաղում:
Ալյումինե ոտնակները, կարբոնային նստատեղերը և կաշեպատ ղեկը ընդգծում են դիզայնի սպորտային առանձնահատկությունը:
Մեքենայի ետնամասում բազմաֆունկցիոնալ ուղեբեռային հատվածն է, որտեղ ծալվող տանիքը միանում է պարաններով, որոնք թույլ են տալիս փոփոխել պահոցի չափսերը:
Տեխնիկական որակ եւ վառելիքի ցածր սպառում
Renault Captur-ում օգտագործվում է փորձարարական Energy dCi 160 շարժիչը` նոր Energy dCi 130-ի հիմքով նախագծված երկու տուրբոմխոցով: Չափսերի նվազեցումը Renault-ի ռազմավարության կարևոր մասն է. Renault-ն նպատակ ունի դառնալ CO2-ի արտանետման նվազագույն ցուցանիշն ապահովող առաջատար ավտոարտադրողը Եվրոպայում:
Ներքին այրման շարժիչով մոդելներից բացի կարտադրվեն էլեկտրական շարժիչով տարբերակներ, որոնք կապահովեն մեքենայի հզորությունն ու կնվազեցնեն վառելիքի սպառումը: Կրկնակի տուրբոմխոցով Energy dCi 160 շարժիչը լիովին համապատասխանում է այդ ռազմավարությանը: Այն ապահովում է 118 կՎտ հզորություն (160 ձիաուժ) 1,6լ աշխատանքային ծավալի դեպքում. բացարձակ հզորությունը հավասար է մեկ լիտրի համար 100 ձիաուժի: Մեքենան հասնում է առավելագույն ուժի մոմենտին (380 Ն/մ ) արդեն իսկ1750 պտտ/ր-ում, որն ապահովում է հզոր արագացում և հնարավորություն տալիս մեքենան վարել ճանապարհային ցանկացած պայմաններում: Շարժիչի փոխանցման տուփն ավտոմատ է, որն ապահովում է վարման իրական հաճույքը: Դրանով հանդերձ՝ մեքենան արտանետում է ընդամենը 99 գ / կմ CO2:
Տեխնիկական բնութագիր
Չափսերը (մմ) | |
Երկարություն, մմ |
4,223 |
Լայնություն, մմ |
1,95 |
Բարձրություն, մմ |
1,586 |
Գետնահեռություն (բեռնված վիճակում), մմ |
261 |
Անիվների հենք |
2,624 |
Առջևի անիվների միջև տարածություն մմ |
1,684 |
Ետևի անիվների միջև տարածություն, մմ |
1,684 |
Տեխնիկական տվյալներ |
|
Շարժիչ |
Energy dCi 160 կրկնակի տուրբոմխոց |
Հզորություն |
118 կՎտ (160 ձիաուժ) |
Ծավալ |
1598 / սմ.3 |
CO2 արտանետում |
99 գ/կմ |
Պտույտի առավելագույն մոմենտ |
380 Մ/մ |
Առավելագույն արագություն |
210 կմ/ժ |
Փոխանցման տուփ |
մեխանիկական |
Անվադողեր |
250 / 40 R22 |
Դիմադրողականություն |
0.31 |
Քաշն առանց բեռի (կգ) |
1,3 |
Արագացում մինչև 100 կմ/ժ վյրկ |
8 |
Անցանելություն 1000, մեկնարկումը տեղից (վյրկ) |
29 |
Գործընկերներ |
|
G Studio |
Թափք |
Michelin |
Անվադողեր |