Օգտագործման կանոնները
 

Հարգելի այցելուներ


- Auto.am կայքը պատասխանատվություն չի կրում կայքում տեղադրված ավտոմեքենաների վաճառքի վերաբերյալ հայտարարությունների բովանդակության համար (գին, ավտոմեքենայի վերաբերյալ տեղեկատվության ճշգրտություն եւ այլն):

- Auto.am կայքում մեկ  հաշվով (account)  թույլատրվում է տեղադրել մինչեւ 10 հայտարարություն ներառյալ.

- Մեկ  հաշվով (account) 10-ից ավելի ավտոմեքենա տեղադրելու նպատակով անհրաժեշտ է կնքել տարեկան պայմանագիր, որը հնարավորություն կտա ձեզ ստանալ դիլերի կարգավիճակ: Պայմանագրի պայմաններին եւ դիլերներին ընձեռնվող հնարավորություններին մանրամասն ծանոթանալու համար կարող եք դիմել մեզ:

- Չի թույլատրվում նույն անձին տեղադրել մի քանի ավտոմեքենա տարբեր  հաշիվներով (account): Գրանցվեք մեկ անգամ եւ օգտագործեք նույն հաշիվը  ձեր մյուս հայտարարությունները տեղադրելու համար:

- Չի թույլատրվում ջնջել հին հայտարարությունը եւ կրկնակի տեղադրել այն` առաջին էջուկ հաճախ երեւալու համար: Այդ նպատակով կայքում նախատեսված է “Շտապ վաճառք” բաժինը եւ դուք կարող եք օգտվել այդ ծառայությունից:

- Չի թույլատրվումՄոդիֆիկացիա” դաշտում տեղադրել ավելորդ մեկնաբանություններ, օրինակ, “շտապ”, “հնարավոր է փոխանակում”, կամ ավտոմեքենայի մոդիֆիկացիայի չվերաբերող որեւէ այլ տեղեկություններ:

- Չի թույլատրվում հայտարարության մեջ տեղադրել ավտոմեքենային չվերաբերող տեղեկատվություն: - Խորհուրդ ենք տալիս ավտոմեքենայի գինը նշել ՀՀ դրամով` “Արժութային կարգավորման եւ արժութային վերահսկողության մասին” օրենքի համաձայն: Կայքի այցելուները միաժամանակ կարող են տեսնել գինը նաեւ ԱՄՆ դոլարով եւ եվրոյով`  ավտոմատ փոխարկման համակարգի օգնությամբ:
Այս պայմանները խախտելու դեպքում բոլոր հայտարարություններ եւ հաշիվները կջնջվեն` ԱՌԱՆՑ ՆԱԽԱԶԳՈՒՇԱՑՄԱՆ:

 

Auto.am կայքը հանդիսանում է “Մեդիամաքս” լրատվական գործակալության նախագիծը եւ կայքի գործունեությունն իրականացվում է գործակալության կողմից:

1. Auto-am-ը տեղեկատվական աղբյուր է: Auto.am կայքը գործում է որպես լրատվական եւ տեղեկատվական աղբյուր: Կայքի միջոցով այցելուները ներկայացնում են իրենց առաջարկները վաճառվող ավտոմեքենաների մասին: Auto.am-ը ավտոմեքենաների ուղղակի վաճառք չի իրակայացնում եւ վաճառողների կամ գնորդների միջեւ գործարքների կողմ երբեւէ չի հանդիսանում: Հետեւաբար, Auto.am-ը` ա) չի երաշխավորում որեւէ գործարք գնորդի եւ վաճառողի միջեւ, բ) չի իրականացնում կամ փոխանցում վճարումներ գնորդների կամ վաճառողների անունից, գ) չի կայանում, պահեստավորում կամ փոխադրում որեւէ տրանսպորտային միջոցներ եւ դ) պատասխանատու չէ գնորդների եւ վաճառողների միջեւ առաջացած հնարավոր տարաձայնությունների կամ վեճերի համար:

2. Կայքի բովանդակությունը: Auto.am կայքում տեղադրված տեղեկատվությունը հանդիսանում է կայքի ադմինիստրացիայի, կայքում գրանցված դիլերների եւ այլ կազմակերպությունների, ինչպես նաեւ կայքում գրանցված անհատների սեփականությունը: Դուք կարող եք կրկնօրինակել կայքում զետեղված տեղեկատվության ինչ-որ մաս ձեր անձնական, ոչ կոմերցիոն գործունեության համար, սակայն կայքի բովանդակության ոչ մի մաս չի կարող վերարտադրվել, ձևափոխվել, փոխանցվել, տարածվել, ցուցադրվել կամ ուղարկվել կոմերցիոն կամ այլ նպատակներով` առանց Auto-am-ի գրավոր թույլտվության: Կայքի բովանդակությունը կոմերցիոն կամ այլ նպատակներով օգտագործելու վերաբերյալ դիմումներ կարող են ուղարկվել հետեւյալ հասցեով support@auto.am : Auto-am-ը պատասխանատվություն չի կրում վեբ-կայքում առկա հնարավոր թերությունների հետևանքների համար: Դուք չպետք է համարեք, որ վեբ-կայքը կամ դրա բովանդակությունը չի պարունակում որևէ սխալներ: Auto-am-ը իրավունք է վերապահում կատարել հետագա փոփոխություններ վեբ-կայքում. ծառայությունները կարող են փոփոխվել, լրացվել կամ դադարեցվել:

3. Վճարումներ: Auto.am-ը իրավունք է վերապահում վճար գանձել վաճառքի բաժնում առաջարկվող որոշ ծառայություններից օգտվելու համար: Մենք կարող ենք ցանկացած ժամանակ ցանկացած պատճառով մեր սեփական հայեցողությամբ ամբողջությամբ կամ մասամբ դադարեցնել կամ փոփոխել Auto.am վեբ-կայքում առաջարկվող ծառայությունները:

4. Ծրագրային ապահովում: Խնդրում ենք նկատի ունենալ, որ կայքի ողջ ծրագրային ապահովումը հանդիսանում է Auto.am-ի սեփականությունը եւ պաշտպանված է հեղինակային եւ մտավոր սեփականության մասին օրենքներով: Կայքի ծրագրային ապահովման ցանկացած տիպի օգտագործում արգելվում է օրենքով:

5. Ֆորումներ: Այս կայքը կարող է առաջարկել տարբեր ֆորումներ, որտեղ ավտոսիրողները կարող են արտահայտել իրենց կարծիքները եւ մտքեր փոխանակել: Auto.am-ը չի երաշխավորում ֆորումներում տեղադրված կարծիքների, խորհուրդների, հայտարարությունների ճշտությունը կամ հավաստիությունը: Խնդրում ենք լինել ուշադիր եւ հարգել այս ֆորումների այլ մասնակիցներին: Տեղադրելով հայտարարություններ ֆորումում, դուք համաձայնվում եք այս Ծառայության պայմաններին: Դուք չեք կարող օգտագործել կայքի ֆորումը որեւէ Արգելված գործողության համար (տես ներքեւում):  

6. Auto.am-ի իրավունքները: Հաշվի առնելով կայքի բնույթը եւ հաղորդագրությունների եւ հայտարարությունների ծավալը, Auto-am-ը չի կարող վերահսկել եւ դիտարկել ձեր կողմից տեղադրված բոլոր հայտարարությունները: Auto-am-ը իրավունք է վերապահում, իր սեփական հայեցողությամբ, ցանկացած ժամանակ եւ ցանկացած պատճառաբանությամբ դիտարկել, հրաժարվել հրապարակել, տեղափոխել, հեռացնել կամ խմբագրել ձեր կողմից տեղադրված հայտարարությունները: Օգտվելով այս կայքից, դուք համաձայնվում եք, որ Auto.am-ը ա) պատասխանատվություն չի կրում Նյութերի հետ կապված կամ դրանցից բխող որեւէ բողոքների, գործողությունների եւ դատական որոշումների հետ, եւ բ) կարող է ցանկացած ժամանակ եւ ցանկացած պատճառաբանությամբ դիտարկել, հրաժարվել հրապարակել, տեղափոխել, հեռացնել կամ խմբագրել ձեր կողմից տեղադրված հայտարարությունները` չկրելով պատասխանատվություն եւ առանց փոխհատուցման պարտավորության:   

7. Արգելված գործողություններ: Ստորեւ ներկայացվում է գործողությունների ցանկը, որոնք արգելվում է իրականացնել Կայքի միջոցով. (ա) տեղադրել նյութեր, որոնք ակնհայտորեն վիրավորական են օն-լայն հանրության համար, մասնավորապես նյութեր, որոնք քարոզում են ռասիզմ, ծայրահեղականություն, ատելություն կամ ֆիզիկական վնասի կոչեր են պարունակում որեւէ խմբի կամ անհատի հացեին, (բ) ներգրավվել գործողությունների կամ տեղադրել Նյութեր, որոնք կարող են վնաս հասցնել անչափահասներին, (գ) ներգրավվել գործողություններում կամ տեղադրել Նյութեր, որոնք կարող են խտրականության ենթարկել կամ խրախուսել խտրականությունը որեւէ անձի նկատմամբ, (դ) ներգրավվել գործողություններում կամ տեղադրել Նյութեր, կամ տրամադրել տեղեկատվություն, որը խարդախ է, կեղծ եւ մոլորության մեջ մտցնող կամ խրախուսում է անօրինական գործողություններ կամ արարքներ, որոնք վիրավորական են, վտանգավոր, անպարկեշտ, վարկաբեկիչ կամ զրպարտիչ, (ե) տեղադրել Նյութեր, որոնք ունեն պոռնոգրաֆիկ կամ սեքսուալ բնույթ, (զ) տեղադրել Նյութեր, որոնք տրամադրում են ուսուցողական տեղեկատվություն անօրինական գործողությունների մասին, ինչպիսիք են անօրինական զենքի արտադրությունը եւ առեւտուրը, որեւէ մեկի գաղտնիության խախտումը, կամ համակարգչային վիրուսների տրամադրումը կամ ստեղծումը, (է) ներգրավվել գործողություններում կամ տեղադրել Նյութեր, որոնք անօրինական նպատակաների համար կորզում են այլ Օգտագործողների գաղտնաբառերը կամ ինքնության հաստատման տեղեկատվությունը, (ը) օգտագործել որեւէ միջոց կամ ծրագիր` Կայքի նորմալ աշխատանքին խոչընդոտելու կամ խոչընդոտել փորձելու համար, (թ) ցանկացած գործողություն` ուղղված Auto.am կայքի ծրագրային կոդի աղբյուրի վնասմանը կամ ձեռքբերմանը:

8. Ծառայության դադարեցում: Դուք հասկանում եւ համաձայնվում եք, որ Auto.am-ը կարող է իր հայեցողությամբ եւ առանց նախնական ծանուցագրի դադարեցնել կամ ժամանակավորապես արգելել ձեր մուտքը Կայք, եւ Auto.am-ը կարող է օգտագործել ցանկացած այլ միջոց եւ հեռացնել ցանկացած Նյութեր, եթե Auto.am-ը համարի, որ ձեր կողմից կայքի օգտագործումը կամ ձեր կողմից տրամադրված Նյութերը (ա) խախտում են (i) այս Ծառայության պայմանները, (ii) Auto.am-ի, Դիլերների եւ օգտագործողների իրավունքները կամ (iii) ցանկացած օրենք կամ կանոնակարգ կամ (բ)  հիմնված են խարդախության վրա: Auto.am-ը չի պարտավորվում որեւէ փոխհատուցում կատարել, եթե Գրանցված օգտագործողի ձեր կարգավիճակը դադարեցվել է, քանի որ, Auto.am-ի հայեցողությամբ, դուք խախտել եք այս Ծառայության պայմանները:

9. Լրացուցիչ: Այս Ծառայության պայմանները կարող են փոփոխվել ցանկացած ժամանակ եւ դուք կտեղեկացվեք այդ փոփոխությունների մասին` Կայքի այս էջում զետեղված Ծառայության պայմանների թարմացված տարբերակների միջոցով: Ձեր կողմից Կայքի շարունակական օգտագործումը փոփոխված Ծառայության պայմանների տեղադրումից հետո նշանակում է, որ դուք համաձայն եք այդ փոփոխությունների հետ: Auto.am-ը կարող է փոփոխել, դադարեցնել կամ սահմանափակել կայքի որեւէ մասի գործողությունն առանց նախնական ծանուցման: Այս կայքը պարունակում է հղումներ դեպի այլ կայքեր, որոնք հիմնված չեն կամ չեն վերահսկվում Auto.am-ի կողմից: Auto.am-ը չի հաստատում, հովանավորում կամ երաշխավորում այդ կայքերում տեղադրված տեղեկատվության հավաստիությունը եւ պատասխանատվություն չի կրում այդ կայքերում առկա մեկնաբանությունների, ծառայությունների, հաղորդագրությունների համար: