ՙՖորա Պրեմիում՚-ում անցկացվեց Land Rover Discovery ամենագնացի շնորհանդեսը

remove_red_eye5860

2017թ. հունիսի 1-ին Jaguar Land Rover ապրանքանիշի Հայաստանյան ներկայացուցչության՝ ՙՖորա Պրեմիում՚ ընկերության սրահում տեղի ունեցավ բոլորովին նոր Land Rover Discovery ամենագնացի շնորհանդեսը: Նոր մոդելը հասանեի է դարձել JLR ցանցում՝ սկսած մայիսի 18-ից: Միջոցառմանը ներկա էին բազմաթիվ հյուրեր, ընկերության գործընկերներ, լրագրողներ: ՙՅագուար Լենդ Ռովեր Ռուսաստան, Հայաստան, Բելարուս, Ղազախստան՚ տարածաշրջանային գրասենյակի ներկայացուիչ Իրինա Ռյաբցևան հավաքվածներին պատմեց նոր ավտոմեքենայի կարևորագույն առանձնահատկությունների մասին՝ շեշտելով այն նորարարությունները, որոնց շնորհիվ նոր Discovery-ն այդքան բացառիկ է դառնում քաղաքային ու  մանավանդ արտաճանապարհային պայմաններում: 

Այնուհետ հանդիսատեսի առջև հայտնվեցին մինչ այդ քողարկված երկու ավտոմեքենաներն իրենց ողջ շքեղությամբ և հմայքով: Discovery-ի նորամուտն իրենց փայլով զարդարեցին նաև ՙՄիսս ԱՊՀ՚ մրցույթի գեղեցկուհիները, ինչը և դարձավ միջոցառման մեխերից մեկը:

Նոր Land Rover Discovery

Այնուհետ հյուրերը հնարավորություն ստացան անձամբ ծանոթանալ ավտոմեքենաներին, ցանկության դեպքում գրանցվել թեստ-դրայվի, իսկ ՙՖորա Պրեմիումի՚ փորձառու աշխատակիցները պատասխանեցին բոլոր ծագած հարցերին:

Հայաստանյան շուկայում լիովին նոր Discovery ամենագնացը կառաջարկվի բոլոր հասանելի համալրուլներով՝ S, SE, HSE, HSE Luxury և հատուկ նորմաւոտի կապակցությամբ առաջարկվող սահմանափակ First Edition տարբերակով, որն իր մեջ միավորում է նոր ամենագնացի բոլոր լավագույն լուծումները: Գնորդները կարող են ընտրել երկու շարժիչներից որևէ մեկը՝ 249 ձ.ուժ հզորությամբ, 3.0-լիտրանոց Td6 դիզելային շարժիչը կամ 2340 ձ.ուժ հզորությամբ, 3.0-լիտրանոց բենզինային V6 շարժիչը: