«Տոյոտա Երևան»-ում սկսվել են բոլորովին նոր Toyota C-HR-ի վաճառքները

remove_red_eye20656

Toyota ընկերության Հայաստանյան պաշտոնական ներկայացուցչությունը՝ «Տոյոտա Երևան» ՍՊԸ-ն, հայտարարում է Հայաստանում բոլորովին նոր Toyota C-HR մոդելի վաճառքների մեկնարկի մասին:

C-HR մոդելը բոլորովին նոր դասի քրոսովեր է: Այս պահին սա մեր շուկայում ներկայացված ընկերության մոդելային շարքում ամենակոմպակտ ամենագնացն է: Հայաստանյան մոդելի առանձնահատկություններից է՝ 1,2 լիտր աշխատանքային ծավալով 8NR-FTS բենզինային տուրբինացված շարժիչը, որը զարգացնում է 116 ձիաուժ հզորություն: Մեր երկրում ներկայացված բոլոր տարբերակները սարքավորված են վարիատորային փոխանցումատուփով և օժտված են լիաքարշակ համակարգով:

Toyota C-HR

Toyota C-HR-ի Հայաստանյան տարբերակն առանձնանում է բազային բարձր հագեցվածությամբ: Այսպես, բոլոր տարբերակների համար հասանելի են հակամառախուղային լուսարձակներ, ռուսալեզու բորտհամակարգիչ՝ 4.2 դյույմանոց բազմաֆունկցիոնալ էկրանով, մոնիտոր՝ հետընթացի համար նախատեսված տեսախցիկով, ավտոմատ կլիմատ-կոնտրոլ, նստելատեղերի տաքացում, սպորտային նստելատեղեր, 17 դյույմանոց թեթևաձույլ անվասկավառակներ: Հայտարարված երեք կոմպլեկտավորումներից երկուսի սրահը կաշեպատ է և առկա է շարժիչի Start/Stop մեկնարկման կոճակ, իսկ ամենահագեցած կոմպլեկտավորման մեջ առկա է JBL բարձր դասի աուդիոհամակարգ, ղեկի տաքացում և այլ համալրումներ:

Toyota C-HR

Toyota C-HR

Toyota C-HR

Հայաստանում առաջարկվող Toyota C-HR մոդելի բոլոր տարբերակները սարքավորված են պասիվ և ակտիվ անվտանգության մի շարք համակարգերով, որոնց թվում են VSC, HAC և EBD արգելակման համակարգերը, ավտոմատ ձեռքի արգելակման համակարգը և 8 անվտանգության բարձիկները: