Կմեկնարկեն էլեկտրամոբիլների հետ կապված օրենսդրական կարգավորումները


 Հինգշաբթի 01 Դեկտեմբեր 2016
 

[1/3]


Համաշխարհային ավտոմոբիլաշինությունում արդեն կայացած փաստ է էլեկտրոմոբիլների սերիական արտադրությունը, ինչպես նաև   այսպես կոչված պլագին հիբրիդների (այսինքն ավտոմոբիլների, որոնք հագեցած են առավել հզոր էլեկտրաշարժիչներով և մարտկոցներով (аккумулятор) քան սովորական հիբրիդները, ինչպես նաև ունեն էլեկտրակական ցանցից լիցքավորելու հնարավորություն) լայն տարածումը:

Ինչպես ցանկացած նման կարգի նորույթ, այս էկոլոգիապես մաքուր տրանսպորտային միջոցները ունեն իրենց սպասարկման և շահագործման առանձնահատկությունները, որոնք բերել են նոր իրավական կարգավորումների անհրաժեշտության, ինչը արդեն իրականացվում է աշխարհի զարգացած երկրներում։

Վերոգրյալը հաշվի առնելով նախաձեռնությամբ է հանդես եկել «Հայ֊ամերիկյան բարեկամություն» ՀԿ֊ը, որը կառավարություն է ներկայացրել «Ճանապարհային երթևեկության անվտանգության ապահովման մասին» ՀՀ օրենքում և ճանապարհային նշանները կարգավորող ՀՀ Կառավարության համապատասխան որոշման մեջ լրացումներ կատարելու մասին  նախագծեր, որոնցով առաջարկվել են օրենքում լրացնել էլեկտրոմոբիլի սահմանումը, իսկ  ճանապարհային նշաններում լրացնել դրանց սպասարկման համար անհրաժեշտ ճանապարհային նշաններ, որոնք հնարավորություն կտան էլեկտրամոբիլների վարորդներին ավելի հեշտ կողմնորոշվել ճանապարհներին:

Բացի այդ առաջակվել է լրացնել ավտոգազալցավորման ճնշակայան (ԱԳԼՃԿ) ճանապարհային, նշանը, որը չնայած Հայաստանի գազով աշխատող ավտոմոբիլների կիրառմամբ աշխարհում առաջատարներից մեկը լինելուն, մինչ օրս առկա չէ: Այդ նշանի բացակայության հետևանքով ավտոճանապարհներին հայտնվել են գովազդային վահանակներ հիշեցնող, հիմնականում ԱԳԼՃԿ հապավումներով ցուցանակներ:

ՀՀ տրանսպորտի, կապի և ՏՏ նախարարությունից ու ոստիկանությունից տեղեկացվել է, որ պայմանավորվածություն է ձեռք բերվել օրենքի նախագծով առաջարկվող լրացումը ներառել ՀՀ ոստիկանության կողմից  մշակվող ճանապարհային երթևեկությանը վերաբերող նախագծում, իսկ ճանապարհային նշաններին անդրադառնալ վերը նշված օրենքը ուժի մեջ մտնելուց հետո։

Միաժամանակ հայտնվել է, որ առաջարկված օրենքի և կառավարության որոշման նախագծերի վերաբերյալ սկզբունքային առաջարկություններ ու առարկություններ չկան։

Այսպիսով հիմք կա ենթադրելու, որ սկսում է դրվել էկոլոգիապես մաքուր այս տրանսպորտի զարգացման համար անհրաժեշտ օրենդրական հիմքը, ինչը  կնպաստի դրա համար անհրաժեշտ ենթակառուցվածքների զարգացմանը և էլեկտրոմոբիլները շուտով կտարածվեն նաև Հայաստանում:

Ռուբեն Հարությունյան
«Հայ֊ամերիկյան բարեկամություն» ՀԿ

 



 
 
Վերադառնալ
  8139 դիտում

Մեկնաբանություններ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 
 
Դեպի վերև