Jcars ընկերությունը 5 տարեկան է

Auto.am կայքի երկար տարիների գործընկեր Jcars ընկերությունը նշում է իր 5-ամյակը:

Ընկերության տնօրեն Վարդան Մկրտչյանը Auto.am-ի հետ զրույցում նշել է, որ 5 տարիների աշխատանքի լավագույն գնահատականը բազմաթիվ գոհ գնորդներն են:

«Վստահելով իրենց մեքենայի ընտրությունը մեզ, շատ անգամ հաճախորդները ստացել են սպասվածից ավելին: Մեր փորձը եւ ավտոմեքենաների ճապոնական շուկայի իմացությունը թույլ է տալիս զերծ մնալ սխալ ընտրությունից: Մեր կողմից ճիշտը ընտրությունը պայմանավորված է նաեւ ավտոտեխսպասարկման ոլորտում մեծ փորձով, քանի որ գիտենք մեքենաների թույլ եւ ուժեղ կողմերը: Բացի այդ, մենք բավականին հարուստ փորձ ունենք ավտոսպորտում, ինչը նույնպես մեծ դեր է խաղում մեր աշխատանքում», - ասել է Վարդան Մկրտչյանը:

Հոբելյանի կապակցությամբ, Ճապոնիայից մեքենաների ներմուծման հարուստ փորձ ունեցող ընկերությունը նվեր է պատրաստել իր հաճախորդների համար. մինչեւ ապրիլի 30-ը պատվիրելով ավտոմեքենայի փոխադրումը մինչեւ Երեւան, պատվիրատուները կստանան նվեր՝ 6 ամսվա ԱՊՊԱ պայմանագիր:

Վարդան Մկրտչյանը նաեւ հայտնեց, որ այսուհետ վճարումը բացի բանկային SWIFT փոխանցումից հնարավոր է կատարել նաև PayPal համակարգի միջոցով:

Facebook Odnoklassniki

4392 դիտում