Փոփոխվել է երթեւեկության կազմակերպումը Դավթաշենի կամրջի հատվածում

Ճանապարհային ոստիկանությունը տեղեկացնում է, որ 2016 թվականի հունվարի 16-ից Երեւան քաղաքի Դավթաշենի կամրջի վրա՝ երկու ուղղություններով, որտեղ երթեւեկության արագության նկատմամբ վերահսկողությունն իրականացվում է արագաչափ սարքերով, երթեւեկության համար 40 կմ/ժ թույլատրելի առավելագույն արագություն   սահմանող՝ 3.24.  «Առավելագույն արագության սահմանափակում»     ճանապարհային նշանները փոխարինվելու են 6.2. «Առաջարկվող արագություն»     ճանապարհային նշաններով՝ կրկին դեկտեմբերի 1-ից մինչեւ մարտի 1-ը ժամկետով:

Այսինքն, վարորդներին առաջարկվում է դեկտեմբերի 1-ից մինչեւ մարտի 1-ը, ելնելով եղանակային պայմաններից եւ ճանապարհածածկի վիճակից, Դավիթաշենի կամրջի վրա երթեւեկել   40 կմ/ժ-ից ոչ ավելի արագությամբ:

Նշված հատվածում թույլատրելի առավելագույն արագությունը կլինի 60 կմ/ժ:

Հետեւաբար, արագաչափ սարքը կգործի 60 կմ/ժ արագությունը սահմանվածից ավելի գերազանցելու դեպքում:

Ճանապարհային ոստիկանությունը հորդորում է վարորդներին պահպանել ճանապարհային երթեւեկության կանոնները:

Facebook Odnoklassniki

6734 դիտում