«Ամերիկյան աճուրդների առաջարկներն առավելապես հետաքրքրական են»

Այս ամռանը USA InterCargo ընկերության հայաստանյան ներկայացուցչության աշխատակիցները գտնվում էին ամերիկյան Սավաննա քաղաքում, որտեղ տեխնիկական վերազինումից հետո վերաբացվել է ընկերության 5-րդ տերմինալը: Ինչպես auto.am-ի թղթակցի հետ զրույցում նշեց ընկերության հայաստանյան ներկայացուցչության ղեկավար Աշոտ Դավթյանը, նոր տերմինալի բացումը ևս մեկ առիթ էր բեռնափոխադրման նորարարական մանրամասներին ծանոթանալու, ընկերության աշխարհով մեկ սփռված մասնաճյուղերի աշխատակիցներին մեկտեղելու և նրանց վերապատրաստելու, ամերիկյան աճուրդներից մեքենա ձեռքբերելու և տեղափոխելու ողջ գործընթացի մասին պրակտիկ գիտելիքներ ստանալու համար:

Աշոտ Դավթյանի խոսքերով, ԱՄՆ ավտոաճուրդները հեղինակություն են վայելում ոչ միայն Հայաստանում, այլև ամբողջ աշխարհում: Բանն այն է, որ այստեղ կարելի է գտնել ցանկացած ճաշակին և գրպանին հարմար մեքենա: «Առավելապես բյուջետային մեքենաներ նախընտրող այնպիսի շուկաներում, ինչպիսին Հայաստանն է, ամերիկյան աճուրդների առաջարկներն առավելապես հետաքրքրական են, քանի որ դրանք հնարավորություն են տալիս ձեռքբերել ձեր երազանքների մեքենան անհամեմատ ավելի մատչելի գներով»,- ասաց նա:

Ըստ մասնագետի՝ մեքենան ընտրելուց զատ կարևոր է այն տեղափոխող ընկերության ընտրությունը: Անհրաժեշտ է, որ երկաթյա նժույգը հասնի իր տիրոջը անվնաս, առավելագույն կարճ ժամանակահատվածում և, իհարկե, հնարավորինս մատչելի: Նման առավելություններ առաջարկել իրենց կարող է թույլ տալ միայն խոշոր բեռնափոխադրող ընկերությունը:
    
«Սավաննայում բացված ընկերության տերմինալը հագեցած է նորագույն տեխնոլոգիաներով և կառուցվել է՝ հատկապես մեքենաների և տեխնիկայի բեռափոխադրումներ իրականացնելու համար»,- պատմեց պարոն Դավթյանը:

Պատահական չէ, որ USA InterCargo-ն ամերիկյան բեռնափոխադրողների մեջ 6-րդն է իր ծավալներով: Ունենալով տերմինալներ ԱՄՆ խոշոր նավահանգիստներում՝ Հյուստոն (Տեխաս նահանգ), Լոս Անջելես (Կալիֆորնիա նահանգ), Նյու Ջերզի (Նյուվարկ նահանգ), Սավաննա (Ջորջիա նահանգ), Չիկագո (Իլինոիս նահանգ) այստեղ խնայում են ներքին բեռնափոխադրումների վրա ծախսելիք ձեր գումարները: Ընկերության աշխատակիցները հոգում են, որ ձեր մեքենան առավելագույն ապահովությամբ ամրացվի կոնտեյներում, ինչի արդյունքում բացառվում է մեքենայի վնասվելու հնարավորությունը: Կոնտեյներում համարով կայքի միջոցով հնարավոր է հետևել դրա տեղաշարժին և հստակ արձանագրել ուղեբեռի տեղ հասնելու ժամանակը:

Ընդհանրապես, այս խոշոր բեռնափոխադրող ընկերության հետ աշխատանքի հարմարավետությունները բազմաթիվ են: Հայաստանում գործող մասնաճյուղերի հաճախորդներն արդեն դա գնահատել են: