Հայաստանում 2015 թվականի սկզբից գործող “Ավտո Մաքս” ընկերությունը ավտոսիրողներին առաջարկում է նոր ծառայություն՝ ավտոմեքենաների եւ տրանսպորտային միջոցների ապառիկ մաքսազերծում:
Ինչպես Auto.am-ին հայտնեց “Ավտո Մաքս”-ի տնօրեն Լեւոն Վարդանյանը, ընկերությունը միջնորդ է հանդիսանում մի կողմից վարկ տրամադրող կազմակերպությունների եւ մյուս կողմից՝ հարկային ու մաքսային կառույցների միջեւ:
Հաճախորդներն այցելելում են բանկ ՝ վճարունակությունը ստուգելու համար, կամ օգտվում են “Ապառիկ տեղում ” ծառայությունից , որից հետո “Ավտո Մաքս”-ի եւ հաճախորդի միջեւ կնքվում է պայմանագիր, որի համաձայն ընկերությունը կատարում է ավտոմեքենայի փաստաթղթերի ձևակերպման հետ կապված բոլոր գործողությունները՝ սկսած մաքսազերծումից, պետհամարանիշի ստացումից մինչեւ բանկում կամ վարկային կազմակերպությունում ավտոմեքենայի գրավադրումը:
Լ.Վարդանյանը հայտնեց, որ ծառայությունների համար միջնորդավճարը կազմում է մաքսային արժեքի 3 %-ը :
Բացի մաքսազերծումից, “Ավտո Մաքս” ընկերությունը աջակցում է նաեւ ԵՏՄ տարածքից բերված Ավելացված արժեքի հարկի (ԱԱՀ) ապառիկ վճարման կազակերպմանը:
Ի դեպ, ընկերությունում հայտնեցին, որ ԵՏՄ տարածքից Հայաստան ներմուծված ավտոմեքենաների վերջնական գնահատումը կատարվում է հայկական մաքսային մարմինների կողմից, որից հետո միայն հաշվարկվում է ԱԱՀ չափը: