“Մուրան”-ը ներկայացրեց նոր Nissan X-Trail-ը

Հոկտեմբերի 30-ին Հայաստանում ՆԻՍՍԱՆ ապրանքանիշի պաշտոնական ներկայացուցիչ՝ “Մուրան” ընկերությունը առաջին անգամ ներկայացրեց երրորդ սերնդի լիովին նոր X-Trail ավտոմեքենան:

Միջոցառմանը ներկա էին ընկերության հաճախորդները, բիզնես ոլորտի ներկայացուցիչներ, լրագրողներ: Քանի որ ՆԻՍՍԱՆ ընկերությունը 2014-2015թթ մրցաշրջանից հանդիսանում է աշխարհի ամենաճանաչված ֆուտբոլային մրցաշարերից մեկի՝ ՈՒԵՖԱ-յի Չեմպիոնների Լիգայի անվանական հովանավոր, ողջ միջոցառման առանցքային թեման էր նաեւ այդ կարեւոր իրադարձությունը: Պատահական չէր նաեւ վարողի ընտրությունը. հավաքվածներին ողջունեց եւ շնորհանդեսի ողջ ընթացքը ղեկավարեց հայտնի սպորտային մեկնաբան Էդուարդ Քալանթարյանը: Միջոցառման հյուրերը դիտեցին նոր մոդելի մասին պատմող տեսանյութը, որն առանձնակի անդրադարձավ նոր X-Trail-ի մեջ կատարված սկզբունքային փոփոխություններին: “Մուրան” ընկերության մարքեթինգի բաժնի ղեկավար՝ Արտյոմ Պետրոսյանը ներկայացրեց մոդելի պատմությունը՝ սկսած 2001թ.-ից եւ համոզմունք հայտնեց, որ լիովին նոր X-Trail-ը կվայելի նույն սերը, ինչ եւ դրա նախորդները: Պարային խմբի ելույթից հետո մեքենաները քողարկող վարագույրը վայր ընկավ, եւ շքեղ հրավառության ներքո հյուրերի առջեւ հայտնվեցին երկու X-Trail-ներն իրենց ողջ հմայքով:

Նշենք, որ ամբողջովին նոր X-Trail-ը համալրվում է 2.5 լ աշխատանքայյին ծավալով եւ 170ձ/ու հզորությամբ շարժիչով, որը զուգորդվում է 7-աստիճան ավտոմատ տիպտրոնիկ կամ CVT փոխանցումատուփով: Մեքենան ստացել է լիովին նոր թափք, որը համահունչ է ՆԻՍՍԱՆ-ի նոր տեսլականին: Հաճախորդներին առաջարկվում են 5 կամ 7-տեղանի տարբերակներ՝ ըստ համալրումների:

Մեքենան հասանելի է ՆԻՍՍԱՆ-ի ցուցասրահում՝ Կոմիտաս 47 հասցեում: Բոլոր ցանկացողները կարող են իրականացնել նաեւ թեստ-դրայվ:

Facebook Odnoklassniki

22894 դիտում