Միջազգային ավտոմոտոմրցարշավ Իջեւանում

Սեպտեմբերի 21 ին Իջեւան քաղաքում կկայանա Jeep Trophy Sprint տիպի միջազգային սիրողական բաց մրցարշավ` Motul Low Range 2014 խորագրով, որը կազմակերպել են Հայաստանի Ավտոմոբիլային ֆեդերացիան եւ «Ադրենալին» էքստրեմալ սպորտաձեւերի ֆեդերացիան: Միջոցառմանը մասնակցելու հայտ են ներկայացրել շուրջ 50 պրոֆեսիոնալ եւ սիրողական մասնակիցներ Հայաստանից, Վրաստանից, Ռուսաստանից, Իրանից եւ Թուրքիայից:

Միջոցառումը կունենա մրցակցային 5 դասեր.

- 1-ին դաս. 4X4 ամենագնացներ` 00-2500 սմ/խ աշխատանքային ծավալ ունեցող շարժիչներով:
- 2-րդ դաս. 4X4 ամենագնացներ` 2501 սմ/խ եւ ավելի աշխատանքային ծավալ ունեցող շարժիչներով:
- 3-րդ դաս. 4X4 հատուկ պատրաստված ամենագնացներ:
- 4-րդ դաս. 4X4 կամ 6X6 բեռնատար ամենագնացներ:
- 5-րդ դաս 4X4 քառացիկլեր:

«Միջոցառումը լինելու է բացառիկ անկախ Հայաստանի ավտոսպորտի պատմության մեջ իր ծավալով եւ մասնակից երկրների քանակով, ինչը վկայում է մեր լավ աշխատանքի ու վաստակած վստահության մասին», - նշել է Հայաստանի Ավտոմոբիլային Ֆեդերացիայի նախագահ Գագիկ Աղաջանյանը:

«Մենք շատ ենք կարեւորում մասնակցությունը նմանատիպ միջոցառումներին, եթե ոչ մրցուղում, ապա այնտեղ, որտեղ կարող են իրենց ուժերը չափել եւ հարուստ փորձ ձեռք բերել մեր մարզիկները», - նշել է «Ադրենալին» ֆեդերացիայի նախագահ Արտաշես Ստեփանյանը:

Միջոցառմանը կարող են մասնակցել բոլոր ցանկացողները, ովքեր համապատասխանում են կանոնակարգի պահանջներին: Զանգահարել 091 201704 կամ 094 201704 հեռախոսահամարներով:

Գլխավոր հովանավոր` «Նակօյլ» ընկերություն` «MOTUL» ապրանքանիշով
Հովանավոր` «BSMB» ընկ իր <Հովանավոր` «ԱՊԱՎԵՆ» ընկերություն
Հովանավոր` «VITESSE» ընկերություն

Facebook Odnoklassniki

4530 դիտում