Հուլիսի 12-ին Երեւանի քաղաքապետարանը եւ STR ակումբը «Երեւանյան ամառ 2014» ծրագրի շրջանակներում կանցկացնեն «Երեւանյան ամառ. Ավտո մոտո շոու» փառատոնը, որին կմասնակցեն 100-ից ավելի տարբեր տեսակի ավտոմեքենաներ։
Միջոցառումը կկայանա վերջերս շահագործման հանձնված Լենինգրադյան-Իսակով պողոտա կապող մայրուղում, սկիզբը՝ ժամը 17:00-ին:
Ժյուրին սահմանել է հետեւյալ անվանակարգերը.
- Ռետրո ոճի մեքենաներ,
- Տյունինգապատ մեքենաներ,
- Մոտոցիկլներ,
- 4x4 "off road" ավտոմեքենաներ,
- Սպորտային ավտոմեքենաներ
Հաղթողներին տրվելու են մրցանակներ հովանավորի կողմից։
Նույն օրը՝ հուլիսի 12-ին, տեղի է ունենալու նաեւ դրագ-ռեյսինգի մրցույթ, որն առավել հետաքրքիր ու դիտարժան է լինելու։ Ողջ միջոցառման ընթացքում երաժշտություն է ապահովելու DJ Deyl-ը։
Ի դեպ, STR ընկերության եւ Երեւանի քաղաքապետարանի նախաձեռնությամբ անցկացվելու է նաեւ բարեգործական ակցիա. դրված են լինելու արկղեր, հանդիսատեսը կարող է մոտենալ եւ յուրաքանչյուրն իր աջակցությունը ցուցաբերել աուտիզմով հիվանդ երեխաների բուժմանը: Այս ակցիային միանալու են նաեւ դրագ ռեյսինգի մասնակից վարորդները, որոնց կողմից իրականացված վճարումներն ամբողջությամբ ուղղվելու են այս նպատակով իրականացվող բարեգործությանը։