Ավտոմրցարշավորդների հայկական թիմը կրկին լավագույնների թվում է

Հայաստանի թիմը երկրորդ տեղն է զբաղեցրել Ռուսաստանում անցկացված «Танковый прорыв-2014»  եւ «Джинальский кругозор-2014» միջազգային ավտոմրցարշավներում:

Այս մասին Auto.am-ին հայտնել է «Ադրենալին» էքստրեմալ սպորտաձեւերի ֆեդերացիայի նախագահ Արտաշես Ստեփանյանը:

«Մեծ հպարտությամբ հայտնում ենք, որ Ռուսաստանի Դաշնության Կիսլովոդսկ եւ Մինվոդի քաղաքներում մայիսի 1-ին եւ 10-ին տեղի ունեցած «Танковый прорыв-2014»  եւ «Джинальский кругозор-2014» միջազգային ավտոմրցարշավներում, որոնց մասնակցել են շուրջ 120 թիմեր, Հայաստանը ներկայացնող Դավիթ Մարտիրոսյան եւ Էդուարդ Ղայֆաջյան թիմը իրենց Toyota Land Cruiser 73 ավտոմեքենայով զբաղեցրել է պատվավոր 2-րդ տեղը: Նշեմ նաեւ, որ 2014 թվականին Դավիթ Մարտիրոսյանը մասնակցել է 4 միջազգային ավտոմրցարշավների, որոնցից երկուսում հաղթել է, իսկ մյուսներում զբաղեցրել 2-րդ մրցանակային տեղը: Դավիթ Մարտիրոսյանը մերօրյա այն եզակի ավտոմարզիկներից է, որ նախորդ 6 տարիների ընթացքում մասնակցել է շուրջ 50 միջազգային ավտոմրցարշավերի եւ գրեթե միշտ կանգնել է հաղթողների հարթակին», - ասել է Արտաշես Ստեփանյանը

Էքստրեմալ սպորտաձեւերի ֆեդերացիայի նախագահը կարեւորել է նմանատիպ միջոցառումներին Հայաստանի մարզիկների մասնակցությունը: «Չնայած չունենք պետական աջակցություն, բայց մենք, մեր ուժերով փորձում ենք մասնակցել գրեթե բոլոր միջոցառումներին, որոնք կազմակերպվում են մեր տարածաշրջանում», - ասել է Արտաշես Ստեփանյանը:

Facebook Odnoklassniki

10468 դիտում