Կայացավ Renault Arkana մոդելի պաշտոնական շնորհանդեսը
- chat Հաղորդագրություններ
- Դիլերներ
- Դառնալ ավտոդիլեր
- Գովազդ կայքում
- Օգտագործման կանոնները
- Օգնություն
- Կապ
- Հայերեն Русский English
Երեւան: Մեդիամաքս: Ավտոմեքենաների պետհամարանիշների փոփոխությանը վերաբերող կառավարության այսօրվա ընդունած որոշումը չի տարածվելու ներկայումս գործող համարանիշների վրա:
Այսօր Մեդիամաքս-ի թղթակցի հետ զրույցում ՀՀ ճանապարհային ոստիկանության իրավաբանական բաժնի պետ, ոստիկանության փոխգնդապետ Արման Չիլինգարյանն ասել է, որ գործադիրի այսօրվա որոշումը վերաբերում է միայն որոշման ուժի մեջ մտնելուց հետո տրամադրվող համարանիշներին:
«Ներկայումս օգտագործվող պետհամարանիշները պարտադիր փոխելու պահանջ, ինչպես նաեւ պետհամարանիշների հատկացման վճարի ավելացում, որոշմամբ նախատեսված չէ: Քաղաքացիները ստիպված չեն լինի փոխել իրենց կողմից արդեն օգտագործվող համարանիշները կամ ավել գումար վճարել նորերը ձեռք բերելու համար»,- ասել է Արման Չիլինգարյանը:
ՀՀ կառավարության այսօր ընդունած որոշմամբ ճանապարհային ոստիկանության կողմից հատկացվող հաշվառման համարանիշերում օգտագործվող տառերի եւ թվերի գրելատեսակները կհամապատասխանեցվեն միջազգային նոր չափորոշիչներին:
Համարանիշերը կլինի առավել ընթեռնելի, իսկ համարանիշերի չափերը՝ ավելի հարմար օգտագործման համար: Դրանցում կօգտագործվի նաեւ Հայաստանի Հանրապետության դրոշի պատկերը:
