Հայ մրցարշավորդները մասկացում են միջազգային մրցման Վրաստանում

remove_red_eye5662

 

Հայ մրցարշավորդները մարտի 2-ին կմասնակցեն Վրաստանի Բակուրիանի քաղաքում կայանալիք Jeep Trophy Sprint տիպի միջազգային բաց մրցույթին: Միջոցառմանը մասնակցելու են շուրջ հիսուն մրցարշավորդներ Հայաստանից, Վրաստանից, Թուրքիայից եւ Ադրբեջանից: Հայկական թիմը նման արշավների մասնակցության մեծ փորձ ունի: Մրցույթին Հայաստանը ներկայացված է լինելու 6 թիմով՝

Jeep Wrangler՝ Արտաշես Ստեփանյան
Jeep Wrangler՝ Գուրրի Գասպարյան
Jeep Wrangler՝ Ռուբեն Սահակյան
TOYOTA Land Cruiser՝ Դավիթ Մարտիրոսյան
Nissan Patrol՝ Էդգար Մանուկյան
Lada NIVA՝ Արթուր Թեւանյան

Հարկ է նշել, որ անցյալ տարի Վրաստանում կայացած գրեթե բոլոր մրցարշավներում հաղթել են հայ մրցարշավորդները, մասնավորապես Դավիթ Մարտիրոսյանն ու "Ադրենալին Էքստրիմ" ֆեդերացիայի նախագահ Արտաշ Ստեփանյանը: Հուսանք, որ այս անգամ եւս մեր մարզիկները բարձր կպահեն մեր եռագույնը:

- Մենք շատ ենք կարեւորում բոլոր տեսակի միջոցառումների մասնակցությունը, որովհետեւ նախ եւ առաջ դա մեծ փորձ է տալիս մարզիկներին եւ Հայաստանը մեկ քայլով ավելի մոտեցնում դեպի ավելի բարձր վարկանիշ ունեցող մրցարշավերի, - նշեց "Ադրենալին Էքստրիմ"  Ֆեդերացիայի նախագահ Արտաշես Ստեփանյանը:

Վրաստանի Բակուրիանի քաղաքում կայանալիք Jeep Trophy Sprint տիպի միջազգային բաց մրցությանը հայ մրցարշավորդներին կհովանավորի «Նակօյլ» ՍՊԸ իր Motul ապրանքանիշով: