«Զանգակ հրատարակչությունը» Արսեն Ղազարյանի եւ Արմեն Սարգսյանի համահեղինակությամբ օրերս լույս է ընծայել «Անվտանգ երթեւեկություն» գիրքը:
Գրքում մեկնաբանված են Հայաստանի Հանրապետությունում ճանապարհային երթեւեկության վերաբերյալ օրենսդրության բոլոր այն դրույթները, որոնք անհրաժեշտ են վարորդներին՝ անվտանգ եւ գրագետ վարելու համար:
Անվտանգ երթեւեկության համար անհրաժեշտ երկու հարց է առանձնացվում. մեկը յուրաքանչյուր վարորդի կողմից իր իրավունքների եւ պարտականությունների իմացությունն ու դրանք երթեւեկության ընթացքում բարեխղճորեն պահպանելն է, իսկ մյուսը՝ վարորդի կողմից վատ ճանապարհային պայմաններում եւ ծայրահեղ դրություններում տրանսպորտային միջոցի անվտանգ կառավարման վարպետությունը: Առաջին հարցի մասին ներկայացված է գրքի այս հատորում, իսկ մյուս հարցին նվիրված երկրորդ հատորի տպագրությունը չի ուշանա:
Հրատարակության նպատակն է՝ անհրաժեշտ գիտելիքներ տրամադրելու միջոցով էլ ավելի ապահով դարձնել ճանապարհային երթեւեկությունը:
Գիրքն օգտակար է նաեւ վարորդական իրավունքի վկայական ստանալու համար քննությունների պատրաստվող սկսնակներին:
Հեղինակների մասինԱրսեն ՂազարյանՇուրջ 3 տարի տարբեր ավտոդպրոցներում դասավանդել է ճանապարհային երթեւեկության կանոնների եւ երթեւեկության անվտանգության տեսական մասը: 2011 թվականի դեկտեմբերից մինչ օրս աշխատում է Սեքյուրիթի Դրիմ ՍՊԸ-ում` որպես խախտումների արձանագրման կենտրոնի ղեկավար:
Արմեն Սարգսյան2001թ-ից ծառայում է Ճանապարհապարեկային ծառայությունում, իսկ 2012թ-ից Ճանապարհային Ոստիկանության վարչական մասում:
