Nissan-ը ներկայացրեց նոր սերնդի Qashqai-ը

Nissan-ը պաշտոնապես ներկայացրել է իր ամենահաջողված ավտոմեքենաներից մեկը` նոր Qashqai-ը:

Նոր Qashqai-ն արդեն 2 մոդելն է, որը հիմնված է Renault-Nissan-ի  նոր հարթակի վրա: Առաջին ավտոմեքենան նոր X-Trail-ն էր: Քրոսովերի դիզայնը մշակվել է Լոնդոնում` Nissan-ի դիզայն-ստուդիում ճապոնացի ինժիներների օգնությամբ:

Նոր Qashqai-ը 49 մմ-ով երկար է ներկա մոդելից, 20 մմ-ով լայն եւ 15 մմ ցածր:

Սրահի բարձրությունը 10 մմ ավելին է, բեռնախցիկի ներքին ծավալը` 430 լիտր (20 լիտրով ավել ներկա մոդելից):

Ավտոմեքենայի արտադրությունը սկսվելու է առաջիկա 18 ամիսների ընթացքում: Եվրոպայում վաճառվելու են 150 լ ձիաուժանոց 1.6 DIG-T տուրբոմղիչով շարժիչով, ինչպես նաեւ դիզելային շարժիչով տարբերակները: Ռուսաստանի համար առաջարկվելու է 1.2 լ 115 ձիաուժ հզորությամբ տուրբոմղիչով տարբերակը եւ 2.0 լ 140 ձիաուժ հզորությամբ մոդելը:

4x4 լիաքարշակ տարբերակը առաջարկվելու է միայն պատվերով:

Նոր Qashqai-ն արտադրվելու է Մեծ Բրիտանիայում 2014 թվականից, իսկ հետագայում նախատեսվում է Qashqai-ի արտադրությունը կազմակերպել նաեւ Սանկտ-Պետերբուրգում:

Ավելացնենք, որ Nssan Qashqai-ը Հայաստանում ամենավաճառվող քրոսովերներից մեկն է:

Facebook Odnoklassniki

10179 դիտում