Կայացավ Renault Arkana մոդելի պաշտոնական շնորհանդեսը
- chat Հաղորդագրություններ
- Դիլերներ
- Դառնալ ավտոդիլեր
- Գովազդ կայքում
- Օգտագործման կանոնները
- Օգնություն
- Կապ
- Հայերեն Русский English
Renault մակնիշը Հայաստանում ներկայացված է արդեն 10 տարի: Սա հայկական ավտոշուկաի համար բավականին մեզ ժամանակահատված է ֆրանսիական հայտնի ավտոարտադրողի ավտոմեքենաների որակը եւ մատչելիությունը գնահատելու համար:
Renault-ն առավել ակտիվ է վերջին մի քանի տարիներին, երբ մեր շուկա սկսեցին առաքվել Renault մակնիշի վաճառքների վերջին հիթերը` Renalt Logan-ը եւ Sandero-ն:
Ֆրանկֆուրտյան ավտոսրահի շրջանակներում Auto.am-ին հարցազրույց էր տվել Renault ընկերության Ռուսաստանի եւ Եվրասիայի տարածաշրջանի Renault–ի կոմերցիոն տնօրեն Ֆաբրիս Կամբոլիվը:
- Ինչպե՞ս են ձեւավորվում Renault ավտոմեքենաների գները Հայաստանում եւ արդյոք դրանք տարբերվու՞մ են մեր հարեւան երկրներում ներկայացված գներից:
- Սովորաբար գնագոյացման հարցում մենք առաջնորդվում ենք երկու գործոններով. կոնկրետ Հայաստանի դեպքում հաշվի ենք առնում տեղական ավտոշուկայի պայմանները եւ իրավիճակը: Հաշվի ենք առնում նաեւ Հայաստանում վաճառվող նոր ավտոմեքենաների գները եւ երկրորդական շուկայի գները:
Մենք հատուկ ուշադրություն ենք դարձնում երկրորդական շուկայում առկա գներին, քանի որ գտնում ենք, որ Renault Logan-ը շատ լավ այլընտրանք է այն գնորդի համար, ով մտածում է գնել հին, բայց ավելի բարձր դասի ավտոմեքենա:
Մենք համարում ենք, որ Logan-ը ոչ միայն մրցակից է իր դասի ավտոմեքենաների համար, այլեւ երկրորդական շուկայում: Մենք առաջարկում ենք նաեւ երաշխիքային սպասարկում, ինչը շատ կարեւոր է:
Իհարկե, գնի վրա ազդում է նաեւ փոխադրումը դեպի Հայաստան` կախված, թե որ երկրից են տեղափոխվում ավտոմեքենաները:
- Իսկ ո՞ր երկրներից են Հայաստան ներմուծվում ձեր ավտոմեքենաները:
- Կոնկրետ Renalt Logan-ը եւ Sandero-ն Հայաստան են ներմուծվում Ռումինիայից:
- Հայաստանը Առեւտրի համաշխարհային կազմակերպության (WTO) եւ տարբեր առեւտրային կազմակերպությունների անդամ է: Որքանո՞վ է դա օգնում ավելի մատչելի դարձնել գները Հայաստանում եւ ինչպե՞ս են գնագոյացման վրա ազդում Հայաստանի մաքսային օրենքները:
- Իհարկե, Հայաստանի WTO անդամ հանդիսանալն օգնում է ավելի կանխատեսելի գներ ունենալու հարցում:
Ինչ վերաբերվում է մաքսային մուծումներին, ես մանրամասն տեղեկություննեևր չունեմ, բայց կարող եմ ասել, որ տարածաշրջանի այն երկրներում, որտեղ երկրորդական շուկայի ավտոմեքենաների ներմուծման համար հաստատված են ավելի բարձր մաքսային տուրքեր, ավտոշուկան ավելի զարգացած է եւ այդ երկրներում նոր ավտոմեքենաների շուկան ավելի դինամիկ է զարգանում: Օգտագործված ավտոմեքենաները ավելի շատ վնաս են հասցնում էկոլոգիային, դրանցից շատերը ավելի վտագնավոր են տեխնիկական տեսանկյունից:
Ես կարծում են, որ եթե Հայաստանում նույնպես նման քաղաքականություն կիրառվի երկրորդական շուկայի ավտոմեքենաների ներմուծման հարցում, դա թույլ կտա շուկային ավելի արագ զարգանալու:
Այս տարի նախորդ տարվա համեմատությամբ մեր վաճառքները նվազել են 7%-ով, բայց դա կապված է այն բանի հետ, որ 2012 թվականին մենք Հայաստանում ունեինք շատ մեծ պետական պատվեր: Այս տարի մենք աշխատում ենք կորպորատիվ վաճառքներն ակտիվացնելու ուղղությամբ: Բայց ընդհանուր առմամբ վաճառքները ավելանում են եւ մենք շատ գոհ ենք, հատկապես նոր Logan-ների վաճառքից: Մենք տեսնում ենք, որ մեր հաճախորդներն այն հավանում են:
