Կայացավ Renault Arkana մոդելի պաշտոնական շնորհանդեսը
- chat Հաղորդագրություններ
- Դիլերներ
- Դառնալ ավտոդիլեր
- Գովազդ կայքում
- Օգտագործման կանոնները
- Օգնություն
- Կապ
- Հայերեն Русский English
Հոկտեմբերի 4-ին Երեւանում «ԿԱՄԱԶ» ընկերությունների խումբը` Ռուսաստանի Դաշնության խոշորագույն մեքենաշինական ձեռնարկությունների միությունը, բացեց առեւտրի եւ սպասարկման կենտրոն (ԱՍԿ), որը նախատեսված է «ԿԱՄԱԶ» ԲԲԸ արտադրած տարբեր մոդիֆիկացիաների մեքենաների (ինքնաթափ բեռնատարներ, բեռնատար քարշակներ, կողային թափքով բեռնատար ավտոմեքենաներ) սերվիսային եւ երաշխիքային սպասարկման, տեխնիկական շահագործման եւ մատակարարման համար:
Բացման հանդիսավոր արարողությանը ներկա էին ՀՀ նախագահ Սերժ Սարգսյանը, ՀՀ պաշտպանության նախարար Սեյրան Օհանյանը, ՀՀ էկոնոմիկայի նախարար Վահրամ Ավանեսյանը, ՀՀ արտակարգ իրավիճակների նախարար Արմեն Երիցյանը, տարբեր խոշոր առեւտրային կառույցների ներկայացուցիչներ:
Ռուսաստանյան կողմը ներկայացնում էին «ԿԱՄԱԶ» ԲԲԸ գլխավոր տնօրեն Սերգեյ Կոկոգինը, Հայաստանում ՌԴ դեսպան Իվան Վոլինկինը, Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Նիկոլայ Բորդյուժան, ՌԴ առեւտրային ներկայացուցիչ Անդրեյ Բաբկոն եւ այլ պաշտոնական անձիք:
«Կամազ Արմենիա» ՓԲԸ-ը կանոնադրական կապիտալը կազմում է $ 2 մլն` hետագայում ընկերությունը ծրագրում է այն ավելացնել: Այժմ ընկերությունում աշխատում է 15 մարդ, իսկ մինչեւ 2013 թ-ի նոյեմբերը ընկերությունը նախատեսում է ավելացնել աշխատողների թիվը` հասցնելով 30-ի:
«Կամազ Արմենիա» ՓԲԸ-ը միջին աշխատավարձը սահմանված է 270 հազար դրամ: Կարճ ժամանակահատվածում տեխնիկական սպասարկման կենտրոնը կհամալրվի երիտասարդ մասնագետներով, ում տեսական գիտելիքների զարգացումը եւ պրակտիկ հմտությունների ուսուցումը իրականացնելու են ՌԴ-ից, մասնավորապես «ԿԱՄԱԶ» ԲԲԸ Գիտա-տեխնիկական կենտրոնից, գործուղված մասնագետները:
«Կամազ Արմենիա» ՓԲԸ երկարաժամկետ ներդրումային քաղաքականության գերակա ուղղությունը Հայաստանում տեխնիկական սպասարկման կենտրոնների եւ պահեստամասերի մատակարարման գործուն ցանցի ստեղծումն է բոլոր մարզերում:
Կամազյան ավտոպարկի ԱՍԿ-ը նախատեսված է տարեկան 300 միավոր տեխնիկայի սպասարկման համար: Կենտրոնի արտադրամասը բաղկացած է տեխսպասարկման եւ վերանորոգման, շարժիչների առանձին հատվածների սպասարկման, ագրեգատների, վառելիքային եւ էլեկտրասարքավորումների ու անվադողերի տեղադրման աշխատանքների համար նախատեսված վեց կետից: Ձեռնարկությունն ամբողջովին հագեցած է ժամանակակից տեխնիկայով, ինչը թույլ է տալիս իրականացնել նաեւ տեխնոլոգիապես համատեղելի ավտոմեքենաների խմբի վերանորոգում եւ սպասարկում:
Ներկայումս Հայաստանի կամազյան տեխնիկայի ավտոպարկը հաշվվում է շուրջ 5 հազար միավոր, որոնց միջին տարիքը կազմում է 15-20 տարի: Դրանց մոտ 40%-ը հատուկ տեխնիկա է, 30%-ը `ինքնաթափ բեռնատարներ, մնացածը ` բեռնատար քարշակներ եւ կողային թափքով բեռնատար ավտոմեքենաներ:
