Renault-ն Ֆրանկֆուրտի ավտոսրահում՝ էմոցիոնալ դիզայն եւ դիտարժան նորարարություն

Սեպտեմբերի 10-ին Ֆրանկֆուրտի միջազգային ավտոսրահի շրջանակներում Renault-ն ներկայացրել է  «Initial Paris» նոր կոնցեպտ մեքենան, Renault-ի նոր դիզայներական ոճով Megane ապրանքագիծը, ինչպես նաեւ Energy F1 2014 նոր շարժիչը:
 
INITIAL PARIS՝ Renault-ի նորագույն կոնցեպտ մեքենան

Renault-ն ներկայացնում է Initiale Paris-ը՝ իր վեցերորդ կոնցեպտ մեքենան, որը ստեղծվել է Լոուրենս վան դեն Ակերի Laurens van den Acker (հարցազրուցը Auto.am կայքին http://www.auto.am/am/news/1727/)  դիզայներական ռազմավարության շրջանակներում: Համադրելով բարձրագույն տեխնոլոգիաները եւ  ստեղծագործական հմտությունները: Այս նոր կոնցեպտը ընդհանուր պատկերացում է ստեղծում, թե ինչպես է Espace-ը ապագայում փոխարինվելու Initial Paris-ով: Այս մեքենան արտացոլում է Renault ապրանքանիշի փորձն ու նկրտումները առաջնային սեգմենտում: 

Initial Paris-ը 4.85մ երկարությամբ ընդարձակ ավտոմեքենա է: Նոր կոնցեպտ մեքենան խոստանում է տպավորիչ ընդարձակություն նաեւ մեքենայի սրահում:
Կոնցեպտ մեքենայի կառուցվածքը նման է օդանավի դիզայնին, սակայն միեւնույն ժամանակ ներառում է ֆրանսիական ոճի ու վայելչության մայրաքաղաք համարվող Փարիզի խորհրդանիշերի՝ Լուվրի պալատի Էյֆելյան աշտարակի բաղադրիչներ: Կոնցեպտ մեքենայի յուրօրինակ ալյումինե եւ պլեկսիգլասե համադրությամբ տանիքը թափքի հետ կազմում է մեկ ամբողջություն, որտեղ  ցուցադրվում է մայրաքաղաքի քարտեզը: Գեղագիտական տեսանկյունից շատ յուրօրինակ այս տեխնիկական լուծումը համալրում է  Initial Paris-ի նոր կոնցեպցիան:
 
Աննկարագրելի հարմարավետ նստատեղերը ճանապարհորդությունը ավելի հաճելի են դարձնում: Սրահի երրորդ շարքում տեղադրված է իրարից անկախ շարժվող շերտերից հավաքված յուրօրինակ բազմոցը, որի հետեւի մասը կարող է լիովին կամ մասնակի ծալվել, իսկ բազմոցի հենց մեջտեղում բացվում է հենակը, որն իր հերթին առանձնացնում է ուղեւորների նստատեղերը:  



Renault-ի շարժիչների ինժեներները օգտագործել են dCi 130 շարժիչի վերջնականացված տարբերակը, որից կարողացել են ստանալ հիանալի պտտման մոմենտ (մաքսիմում 400): Շարժիչը հիմնված է ուժային ագրեգատների ոլորտում Renault-ի առանցքային տեխնոլոգիական լուծումների վրա: Հետագա ուսումնասիրությունների հիման վրա այս շարժիչում տնտեսման նոր հնարավորություններ են կիրառվելու:

Այսպիսով, բոլոր վեց կոնցեպտ մեքենաները, որոնք արտացոլում են ծաղկաթերթի տեսքով ներկայացող կյանքի փուլերի ռազմավարության շրջանակում Renault ապրանքանիշի վերածնված դիզայնը, առաջին անգամ միասին հայտնվել են Renault-ի տեղավարում: Դրանք են՝ DeZir-ը, Captur-ը, R-Space-ը, Frenzy-ին, Twin’Z-ն, փոփոխված Twin’Run-ը եւ Initial Paris-ը:

Megane-ի ապրանքագծի նոր կերպարը

Renault-ն շարունակում է մոդելային ապրանքագծի նորացումը՝ իր նոր դիզայներական ռազմավարության հիման վրա: Megane-ը դարձել է հաջորդ մոդելը, որը ստացել է առաջամասի նոր ֆիրմային ոճը: Այս փոփոխությունը ապահովում է Megane Hatchback-ի եւ Megane Coupe-ի առջեւի մասերի վիզուալ միասնությունը՝ միանման բամպերի եւ կապոտի շնորհիվ: Դրա հետ մեկտեղ յուրաքանչյուր մոդելը պահպանում է իր անհատական հատկանիշները: Ավտոմեքենաները կունենան նաեւ առաջամասի նոր ձվագծաձեւ  լույսեր:  Նոր ոճը կօգտագործվի նաեւ ապրանքագծի սպորտային մեքենաների համար: Megane R.S.-ը այժմ կարող է պարծենալ ավելի դինամիկ արտաքին դիզայնով՝ շնորհիվ առջեւի մասի նոր ձեւափոխման եւ սեւ փայլող լուսարձակների:

Նոր ավտոմեքենաները համալրված են ամենաարդիական սարքավորումներով եւ ընկերության առաջատար համակարգերով՝ ներառյալ Renault R-Link մուլտիմեդիա ցանցային համակարգը:  



Անկախ կազմակերպությունների կողմից իրականացված բազմաթիվ ուսումնասիրությունների համաձայն Megane III համարվում է իր սեգմենտում ամենաապահով ավտոմեքենաներից մեկը: Megane-ի նոր ապրանքագիծը ժառանգել է այս բոլոր ուժեղ կողմերը:

Նոր ապրանքագծի վաճառքը Եվրոպայում կսկսվի հաջորդ տարվա առաջին կիսամյակին, իսկ 2014թ. ընթացքում նորացված ավտոմեքենաները կհայտնվեն նաեւ այլ շուկաներում՝ այդ թվում Ռուսաստանում:  

Renault-ն ներկայացնում է Energy F1-2014 նոր ուժային ագրեգատը

Renault ապրանքանիշը, որն ունի Formula-1 դասի համաշխարհային չեմպիոնի 11 կոչում, Ֆրանկֆուրտի միջազգային ավտոսրահում  ներկայացնում է շարժիչների մշակման իր ամբողջ փորձը՝ ներկայացնելով F1 2014 ուժային ագրեգատը:



Renault Energy F1-2014 ուժային ագրեգատը, որն իր մրցարշավային կազմը հունիսին  ներկայացվել է «Լե Բուրժեի» ավիասրահում, արտացոլում է տեխնոլոգիական նորարարությունները, որոնք կներմուծվեն Formula-1-ի հաջորդ մրցաշրջանում: Համադրվելով էներգիայի վերականգման համակարգի հետ, V6 1,6 լ ծավալով ուղղակի ինժեկտորային համակարգով այս շարժիչը ավելի հզոր է, քան V8-ը, մինչդեռ վառելիքի ծախսը մեկ երրորդով կրճատվել է:

Energy F1-2014 ուժային ագրեգատի մշակումը այսօր մեծ թափ է առնում, իսկ դրա տեղադրումը ավտոմեքենաների վրա նախատեսվում է 2014թ-ին:

Renault-ն մտնում է էլեկտրոնային ավտոսպորտի դարաշրջան

Իր Z.E. ապրանքագծի շնորհիվ լինելով էլեկտրամոբիլների արտադրության ոլորտում առաջատար եւ ավտոսպորտում ունենալով յուրահատուկ փորձ՝ Renault-ն մտնում է Formula-E FIA նոր առաջնություն: Այն կմեկնարկվի 2014թ. սեպտեմբերին, կմասնակցի տասը թիմ՝  Spark-Renault SRT-01E մեկտեղանի ավտոմեքենաներով, որոնք մշակվել են Renault Sport-ի հետ համատեղ եւ աշխարհին են ներկայացվել Ֆրանկֆուրտի միջազգային ավտոսրահում: Ավտոմեքենաների մշակման եւ արտադրության համար  կոնսորցիում էր  կազմակերպվել՝ ավտոսպորտի աշխարհի խոշորագույն ներկայացուցիչների մասնակցությամբ: Մրցարշավի կազմակերպման մեջ Renault-ն պատասխանատու է էլեկտրոնային քարշակ շարժիչի, համակարգերի ինտեգրման, աշխատանքի օպտիմալացման եւ մեքենաների անվտանգության համար:  

Ֆրանկֆուրտյան ավտոսրահի շրջանակներում  Renault-ի դիզայնի գծով փոխնախագահ Լոուրենս վան դեն Ակերի (Laurens van den Akker) հարցազրույց տվեց Auto.am կայքին

 - Դուք սկսեցիք աշխատել Ռենոում 2009 թվականից: Ինչպե՞ս կգնահատեք այս անցած ճանապարհը, ի՞նչ արդյունքների եք հասել եւ արդյոք հաջողվեց իրագործել բոլոր մտահղացումները:

- Սա շատ հետաքրքիր ժամանակաշրջան էր իմ կյանքում, շատ երջանիկ եմ, որ հիմա կարող եմ իմ աշխատանքի արդյունքները ցուցադրել այստեղ: Ես երբեւէ չէի էլ երազում, որ կկարողանամ կանգնել այստեղ եւ ցուցադրել այս 6 կոնցեպտները, որոնք դուք տեսնում եք: Մասնակցել նոր Renault Clio-ի արտադրությանը եւ տեսնել, որ այն հաջողություն է ունենում շուկայում:  Հաճելի է տեսնել նոր Renault Captur-ի հաջողությունները եվրոպական շուկայում, ուրախ եմ նոր Logan-ի եւ Duster-ի  լավ վաճառքների համար:

Մեր հաջողվեց շատ ճիշտ առանձնացնել Renault եւ Daica մակնիշները եւ  նրանց դիրքավորումը ճիշտ ներկայացնել շուկայում:

Իհարկե, դեռ բոլոր նպատակները չենք իրագործել, բայց մենք ճիշտ ճանապարհի վրա ենք, դեռ դրա կեսին ենք: Շատ կարեւոր էր լավ սկսել հաշխատանքը: Մենք կանգնած ենք հետաքրքիր մարտահրավերների առջեւ եւ մենք պատրաստ ենք դրանց:

- Մենք ականատես ենք էլեկտրական ավտոմեքենաների վերելքին. գրեթե բոլոր ավտոարտադրողները ունեն լիովին էլեկտրական ավտոմեքենաներ: Ի՞նչ ազդեցություն են թողնում էլեկտրական տեխնոլոգիաները ավտոմեքենայի դիզայնի վրա:

- Իհարկե, ազդեցությունը շատ հետաքրքիր է. փոփոխվում է ավտոմեքենայի կառուցվացքը: Հնարավորություն է ստեղծվում մարտկոցները տեղադրել ցանկացած տեղ, ինչն իր հերթին թույլ է տալիս  մեզ լայն հնարավորություններ ավտոմեքենայի կառուցվածքում փոփոխություններ անելու համար:

Մեր աշատանքը դառնում է ավելի ճկուն եւ ինչքան մարտկոցները ավելի կոմպակտ դառնան եւ քիչ տեղ գրավեն , այնքան մենք նախագծելու ավելի մեծ ազատություն կունենանք: