Կայացավ Renault Arkana մոդելի պաշտոնական շնորհանդեսը
- chat Հաղորդագրություններ
- Դիլերներ
- Դառնալ ավտոդիլեր
- Գովազդ կայքում
- Օգտագործման կանոնները
- Օգնություն
- Կապ
- Հայերեն Русский English
Abser-Art հայտնի հայաստանյան ընկերությունը իր հաճախորդներին սկսել է մատուցել նոր ծառայություն` ավտոմոբիլային գազաբալոնային սարքավորումների տեղադրում:
Ըստ Bloomberg գործակալության, Հայաստանում ավտոմեքենաների մոտ 75 %-ը է աշխատում է բնական գազով, ինչը յուրահատուկ ռեկորդ է աշխարհում: Եվ դա զարմանալի չէ, եթե հաշվի առնենք բենզինի բարձր գները Հայաստանում:
Մեր շուկայում բազմաթիվ ընկերություններ առաջարկում են գազաբալոնային սարքավորումների տեղադրման ծառայություններ, եւ վերջերս նման ծառայություն սկսեց առաջարկել նաեւ Abser-Art ընկերությունը, որը հայտնի է էլեկտրոնային սարքավորումների տեղադրման եւ տյունինգային նախագծերով:
Abser-Art-ի մենեջեր Լեւոն Թոփալյանը պատմեց Auto.am-ին, թե ինչու՞ է ընկերությունը սկսել զբաղվել նաեւ գազաբալոնային սարքավորումների տեղադրմամբ. “Շուկան ուսումնասիրելուց հետո մենք եկանք այն եզրակացության, որ պահանջարկը այդ ոլորտում բավականին մեծ է, եւ որ մենք մեր հաճախորդներին կարող ենք առաջարկել որակապես նոր եւ տեխնիկապես առավել ճիշտ լուծումներ: Մենք տեղադրում ենք միայն փորձված բարձրորակ սարքավորումներ` չինական, իտալական, ռուսական, ինչպես նաեւ հայկական արտադրության գազային բալոններ, որոնք համապատասխանում են անվտանգության ամենաբարձր պահանջներին:
Մեր մասնագետները մշակել են լիցքավորման ամենահարմարավետ տարբերակը ավտոմեքենաների համար. Հայաստանում առաջին անգամ լիցքավորման ծորակը տեղադրվելու է հենց բենզինի բակի փականի մոտ: Դա մեր նոու-հաուն է: Մենք մեծ ուշադրություն ենք դարձրել նաեւ գազի սրսկման ասեղների ճիշտ տեղադրմանը, որը նվազեցնում է մեքենայի հզորության կորուստը: Վարորդը կարող է սրահից միշտ տեղյակ լինել բալոնում ճնշման ցուցանիշին` հատուկ էլեկտրոնային ցուցիչի միջոցով, իսկ բալոնի վրա տեղադրված էլեկտրոնային պտտակները նույնպես կարող են կառավարվել հենց վարորդի կողմից, ինչն իր հերթին հեշտացնում է շահագործումը:
Սարքավորումների մոնտաժումից հետո, ընկերության մասնագետները հատուկ պաստառապատման միջոցով քողարկում են գազաբալոնը”:
Սարքավորումների տեղադրման արժեքը կախված է մի քանի հանգամանքներից եւ ընտրված սարքավորումներից: Մանրամասն պայմաններին կարելի է ծանոթանալ` զանգահարելով 091-42-01-33 կամ 093-32-01-33 հեռախոսահամարներով:
