Նոր Nissan Qashqai. առաջին տեղեկությունները

Nissan Qashqai ժողովրդական քրոսովերի հաջորդ սերունդն ավելի ոճային եւ ներկայացուցչական կդառնա, հաղորդում է բրիտանական AutoExpress ամսագիրը: Renault-Nissan դաշինքի ղեկավարությունը իր քրոսովերի մրցակից է համարում ոչ միայն Kia Sportage, Skoda Yeti եւ Peugeot 3008 ավտոմեքենաները, այլեւ ավելի բարձր դասի Audi Q3-ը եւ BMW X1-ը:

Nissan-ի փոխնախագահ Էնդի Պալմերայի խոսքերով, ավտոմեքենան բոլորովին այլ կլնի: Չնայած իր նախկին կոմպակտությանը, էականորեն կավելանա տարածությունը սրահում, ավելի կշատանա ոտքերի համար տեղը ետեւի ուղեւորների համար: Ճապոնացիները պատրաստ են նաեւ աշխատել սրահի դիզայնի վրա եւ բարելավել ինտերյերի համար օգտագործվող նյութերի որակը` գնորդներին «գերմանական» որակ ներկայացնելու համար: Նորույթի արտաքինն իրագործվելու է Hi-Cross կոնցեպտուալ ավտոմեքենայի մոտիվներով, որը ներկայացվել է Ժնեւի վերջին ավտոսրահում:

Նոր սերնդի Nissan Qashqai-ը, ամենայն հավանականությամբ, կունենա 1,2-լիտրանոց 113-ուժային բենզինային տուրբոշարժիչ, որպես այլընտրանք կառաջարկվի նաեւ 128-ուժանոց 1,6 լ դիզելային շարժիչը: Nissan Qashqai-ի նախասերիական տարբերակը կներկայացվի Ժնեւի հաջորդ ավտոսրահում, իսկ դիլերների մոտ կհայտնվի 2014 թվականին:

Facebook Odnoklassniki

4290 դիտում