“Մեդիամաքս” լրատվական գործակալության նախագիծը հանդիսացող Auto.am կայքը ստեղծվել է 2003 թվականին` Հայաստանի ավտոմոբիլային բիզնեսում գործող բոլոր կազմակերպությունների եւ ընկերությունների գործունեությունը լուսաբանելու նպատակով` սկսած ավտոսրահներից մինչեւ ավտոսպասարկում իրականացնող ընկերությունները:

Մենք ստեղծեցինք ինտերնետային ռեսուրս, որը հետաքրքիր է, եւ արդեն կարելի է վստահությամբ ասել, անհրաժեշտ եւ օգտակար է ինչպես ավտոսիրողների, այնպես էլ շահագրգիռ կազմակերպությունների համար, որոնք կարող են ազատ, եւ, որ շատ կարեւոր է, անվճար տեղեկացնել սպառողներին եւ միմյանց իրենց նորությունների մասին:

Ժամանակի ընթացքում մեր կայքի յուրահատուկ այցեքարտը դարձավ ավտոտրանսպորտային միջոցների վաճառքի բաժինը, որտեղ այցելուները կարող են անվճար հիմունքներով տեղադրել իրենց առաջարկները

Auto.am-ի մշտական այցելուները գիտեն, որ մենք մշտապես կատարելագործել ենք կայքը, դարձրել այն ավելի հարմար այցելուների համար, առաջարկել նոր ծառայություններ: Մենք գնահատում ենք մեր այցելուների եւ գործընկերների կարծիքները եւ ուրախ կլինենք համագործակցության վերաբերյալ առաջարկներին: Մեր նպատակն է դառնալ ձեր գործընկերը Հայաստանի ավտոաշխարհում:

Ավտոմոբիլային բիզնեսն ամենադինամիկ զարգացող ոլորտներից է Հայաստանում, ինչի մասին վկայում է ավտոմեքենաների ներմուծման տարեցտարի աճող ծավալները: Մենք կօգտագործենք բոլոր հնարավորությունները, որպեսզի իրազեկ պահենք ձեզ Հայաստանի ավտոաշխարհի նորությունների եւ ձեռքբերումների մասին:

Նկատի ունենալով հայկական ավտոշուկայի ակտիվ զարգացումը եւ արտասահմանյան ընկերություների հետաքրքրությունը, մենք որոշեցինք ստեղծել նաեւ կայքի անգլերեն տարբերակը:

Մենք ուրախ ենք ողջունել ձեզ Auto.am-կայքում, որն այժմ արդեն ներկայանում է ձեզ նոր տեսքով, նոր հնարավորություններով եւ լուծումներով  եւ արդեն անգլերեն լեզվով: 

Հարգանքներով, Auto.am-ի թիմ